Започна пријавувањето за традиционалната Дедомразовска трка во Скопје
Традиционална Дедомразовска трка во која стотици учесници во дедомразовски костуми ќе трчаат во центарот на Скопје ќе се одржи на 22 декември, соопшти организаторот на трката Александар Георгиевски.
Трката, наведува во соопштението, покрај натпреварувачки, има и забавен карактер па во неа се добредојдени да се пријават учесници од сите старосни групи. Должината на патеката е два километра и можат да ја истрчаат и деца во придружба на родители. Пријавувањето се одвива преку веб страницата www.prvdovrv.mk.
Стартот и финишот на трката се на плоштадот „Македонија“, а ќе се трча кон Порта„ Македонија“, парк „Жена Борец“, Холидеј Ин, мостот кај МНР, покрај Вардар кон Камениот мост и преку мостот до целта.
– Учеството во трката чини 300 денари, а за првите 200 пријавени следува целосен дедомразовски костум, составен од палто, панталони, капа, ремен и брада, соопшти организаторот.
За победниците се предвидени награди, а на најсреќните учесници преку лотарија ќе им се исполнат новогодишните желби без оглед на резултатот и освоеното место. Пред и по трката се предвидени музичка програма, загревање со фитнес инструктор и церемонија на прогласување на победниците.
Стартот на трката е закажан за 12 часот, а подигнувањето на стартните пакети од 9 до 11 часот на денот на трката.
Трката ја организира здружението за спорт и рекреација Прв до врв, со поддршка на Coca-Cola и градот Скопје.
Ново на Сител
-
Бајден и дозволил на Украина да користи американско оружје за напади во внатрешноста на Русија
-
„Неговата смисла за хумор е неверојатна“ напиша Маск за изјавата на Зеленски дека „САД не можат ја принудат Украина“
-
Тепачка помеѓу малолетници во Штип
-
НАТО: Руските напади врз електричната мрежа на Украина ги тероризираат цивилите
-
Мајка и две ќерки нападнале малолетно девојче на свадба во Куманово
-
Победа над Фарски Острови - Македонија прво место во четвртата група
-
Халанд може да стане најплатениот играч во Премиер лигата
-
Објавена агендата на утрешната заедничка седница на владите на Косово и Северна Македонија во Приштина