Запирање на војната во Донбас приоритет на претседателот на Украина

Запирање на војната во Донбас во интерес на Украина останува еден од приоритетите на Кабинетот на претседателот, изјави новиот шеф на Кабинетот на украинскиот претседател, Андриј Јермак.

– За претседателот на Украина, за Кабинетот на претседателот Володимир Зеленски, еден од приоритетите секако ќе биде запирање на војната во Донбас во интерес на Украина. Оваа цел останува приоритет, рече Андриј Јермак.

Меѓу приоритетите што ги посочи на брифинг во Кабинетот на претседателот на Украина се и надворешната и регионалната политика и привлекувањето инвестиции.