Заменик министерот за надворешни работи кој ги навреди Турците, ќе биде косовски амбасадор во Македонија
Косовскиот премиер Рамуш Харадинај на барање на пратениците од Групата 6+, претставници на етничките малцинства во Собранието во Приштина, се дистанцира од навредите на заменик министерот за надворешни работи на Косово, Ѓерѓ Дедај упатени кон Турција, но и покрај тоа тој најверојатно ќе биде именуван за амбасадор во Македонија, тврди „Коха Диторе“.
Како што јави дописникот на МИА од Приштина, пратениците на Групата 6+, кои се дел од владејачката коалиција, побараа и разрешување на Дедај, за што Владата во Приштина се уште се нема изјаснето.
- Дедај со неговите понижувачки изјави, со кои предизвикува раздор, ја навреди турсската заедница во Косово, се вели во писмото на пратениците од малцинските заедници упатено до косовскиот премиер.
Но, и покрај тоа, според „Коха Диторе“, која се повикува на свои сигурни извори во Владата на Харадинај, Дедај е веќе предложен за амбасадор на Косово во Македонија и се очекува негово скорешно именување на таа позиција од страна на претседателот Хашим Тачи.
Веста за можното именување на контроверзниот Дедај за дипломатски претставник во Македонија, предизвика бројни негативни реакции во Косово, особено на социјалните мрежи, но и во медиумите.
Ново на Сител
-
Во сабота почнува полагањето на државната матура со тестот од првиот екстерен испит
-
Општина Аеродром: ДУП-от за Лисиче предвидува само една зграда, два парка и решава важни комунални прашања
-
Приведени крадци, одземеното возило вратено на сопственикот
-
Државен завод за ревизија: Неефикасно управување и стопанисување со државниот недвижен имот
-
Германска влада: Украина ги исполнува условите да преговара за пристапување во ЕУ
-
Костадиновска Стојчевска поднесе претставка против Африм Гаши бидејќи прво ја прочитал заклетвата на албански
-
Советот на Општина Аеродром го донесе деталниот урбанистички план за дел од населбата Лисиче
-
Приведен криминалец баран по централна потерница, осуден на 10 години затвор