Заменик министерот Муцунски се сретна со потсекретарот на ОН Ву Хонгбо
Македонскиот заменик министер за информатичко општество и администрација Тимчо Муцунски, во тек на посетата на Обединетите нации во Њујорк, се сретна со потсекретарот за економски и социјални прашања на ОН, Ву Хонгбо.
Муцунски и Хонгбо, како што соопшти денеска Министерството за информатичко општество и администрација (МИОА), детално разговарале за целите за одржлив развој на ОН и за начините како глобалната заедница да посвети посебно внимание во нивната примена.
Според соопштението, Хунгбо изразил позитивно мислење за реформските мерки кои ги презема македонската Влада за процесот на реформа на јавната администрација и ветил експертска помош од ООН, при изработката на конечната верзија на стратегијата за реформа на јавната администрација.
- Муцунски и Хунгбо се согласија дека и понатаму треба да продолжи продлабочувањето на соработката со ООН, особено од гледна точка на размена на искуства и експерти од областа на реформа на јавната администрација и примената на иновативни ИКТ решенија во работењето на јавниот сектор, се вели во соопштението.
Заменик министерот Муцунски, информира МИОА, остварил и средби со претставници на Директоратот за јавна администрација и менаџмент на развој, како и со членови на Комитетот на експерти за јавна администрација.
Ново на Сител
-
Турски државјанин приведен на Деве Баир
-
Прегазен малолетник во Чаир
-
Од недела дожд, засилен ветер и значителен пад на температурата
-
Викендов стапува на сила Законот за нефер трговски практики, се очекува намалување на цените
-
Намалени водостоите на езерата
-
Вина „Монтеко“ – Ризница од вкусови со уникатен печат
-
Тешка сообраќајка кај Железничка, со автомобил завршил на бетонските жардињери | ФОТО
-
50 годишна професорка нападната од колега во Виница