Законските измени за интервентен откуп на оризот го поминаа првиот собраниски филтер
Собраниската Комисија за земјоделство, шумарство и водостопанство денеска едногласно го поддржа Предлог – законот за изменување и дополнување на Законот за земјоделство и рурален развој кој треба да се донесе по скратена постапка.
Со измените, како што стои во предлог-текстот, ќе се овозможи мерките за стабилизација
на пазарот, пред се интервентниот откуп, да се применуваат не само за пченицата, туку и за
оризот.
-Поради катастрофалната состојба во која се наоѓаат оризопроизводителните, неопходна е измена на Законот. Состојбата во оризопроизводството се наоѓа во критична фаза, за што е потребно кон оваа
земјоделска култура државата да има посебен однос. Со опфатот на оризот како стратегиска земјоделска култура ќе се обезбедат доволни количини за потребите на населението и задоволување на пазарот во состојба на глобална прехрамбена криза. Воедно, ќе се овозможи на поедноставен начин да функционира пазарот, со што ќе се олесни откупот на оваа земјоделска култура и ќе се одбегнат ценовните шпекулации, рече пратеничката од СДСМ Даниела Колева, образложувајќи ги измените.
По денешното усвојување во матичната собраниска Комисија, Предлог – законот за изменување и дополнување на Законот за земјоделство и рурален развој треба да се најде на пленарна седница.
Ново на Сител
-
Намалена затворската казна на Ангела Ѓорѓиевска за убиството на Пино
-
Бала: Првата меѓувладина конференција ЕУ - Албанија ќе се одржи следната недела
-
Вечерва седница на Извршниот комитет на ВМРО-ДПМНЕ
-
Владина седница вечерва
-
Османи бара трпение во врска со францускиот предлог
-
Османи: Од Мадрид се враќаме со нов изменет француски предлог
-
Српската Влада ги ограничи цените за брашното, зејтинот, млекото, шеќерот и ги намали акцизите за горивата
-
Рама: Браќа Македонци и Албанци прифатете го францускиот предлог