Захарова: Неосновани обвиненијата од Македонија за вмешаноста на Русија во протестите
Изјавите на македонскиот премиер Зоран Заев дека бизнисмени кои имаат симпатии кон Русија ги финансираат протестите во Македонија се неосновани, изјави денеска во Москва портпаролката на руското Министерство за надворешни работи, Марија Захарова.
Како што информира Спутник Србија, таа на редовниот брифинг со новинарите изјави дека Русија е збунета со изјавата на македонскиот премиер дека одредени бизнисмени кои се наклонети кон Русија, наводно ги финансираат антивладините протести во Македонија, кои се поврзани со договорот со Грција околу преименување на земјата во Северна Македонија. Таа нагласи дека ова е уште една порција несновани обвиненија против Москва.
- Сето ова очигледно е потребно само поради една цел - зголемување на антируската хистерија. Очигледно е дека повторно не постојат факти кои би можеле да ги потврдат овие зборови и ништо нема да ни биде претставено, инаку тоа досега би било направено, изјави Захарова.
Премиерот Заев во интервјуто за американскиот „Базфилд“ пред два дена изјави дека насилните протести во Македонија ги финансирале про-руски бизнисмени.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд