Загрижува растот на ЕУ-скептицизмот во Западен Балкан
Загрижува растот на ЕУ- скептицизмот во Западен Балкан, но сепак е прашање на време кога регионот ќе се интегрира во ЕУ.
Ова е заклучокот на панелистите на тема "Надминување на препреките на евроинтегративниот пат" на првиот ден од Белградскиот безбедносен самит.
"Јас сум загрижена за растот на ЕУ скептицизмот поради постојаното одложување на стартот за преговори", рече Мајлинда Брегу, генерална секретарка на Советот за регионална соработка.
За претставниците на Унијата ЕУ перспективата на Западен Балкан е реалност. Најважно е да се надмине пречката од Бугарија и Северна Македонија и Албанија да започнат преговори час поскоро, беше истакнато на Форумот.
"Загрижени сме што се зголемува ЕУ скептицизмот. Точно е дека дел од државите од Западен Балкан не ги испорачуваат реформите доволно бргу, но ниту Унијата не го прави тоа кога станува збор за ветеното. Србија бргу напредува, Северна Македонија и Албанија сторија се што е неопходно, но и натаму се во чекалната. Сепак, не е прашање дали, туку кога ќе станат дел од Унијата", рече Тасос Чацивасилеу, советник на премиерот на Грција.
Учесниците на Белградскиот безбедносен форум се сложија дека тоа што Западен Балкан ги ужива европските фондови значи дека Унијата инвестира во своите идни членки и тоа е показател дека регионот е дел од Европа.
Ова е 11-ти Форум, а годинава се одржува под мотото "Човештвото ставено на испит"'. Белградскиот безбедносен форум продолжува и следните два дена, а учество ќе земат над 80 експерти од различни сфери.
Мирјана Јовеска
Ново на Сител
-
МЖСПП: По пожарот во Трубарево измерени се високи концентрации на честички и тешки метали
-
Жител на струшко Велешта осомничен за три кривични дела
-
Трамп сака да ја поврати контролата врз воздухопловна база Баграм во Авганистан
-
Македонските ракометарки во Охрид на мегдан против Египет
-
Приведени 15 лица, во кои има вработени во МВР, ЈП Национални шуми, предизвикале штета од над 100 милиони евра
-
13 лица приведени по масовна тепачка пред прилепската болница, полицијата пукала во воздух за да престанат да се тепаат
-
50-годишник од Богданци со остар предмет се заканувал на едно лице на бензинска пумпа
-
Тешко повреден кавадарчанец при извршување работни задачи во фабрика