Загарантиран дуел на најдобрите тенисери во Лондон

Новак Ѓоковиќ и Роџер Федерер ќе играат во иста група на завршниот Мастерс во Лондон.

На завршиниот турнир во сезоната ќе играат најдобрите осум тенисери во светот кои се сместени во две групи, а пласман во полуфиналето ќе изборат најдобрите двајца од секоја група.

Во групата „Стен Смит“ покрај Ѓоковиќ и Федерер ќе играат уште Томаш Бердих и Кеи Нишикори.

Во групата „Илие Настасе“ ќе играат Енди Мари, Стан Вавринка, Рафаел Надал и Давид Ферер.

Натпреварите на турнирот ќе започнат во О2 арената во Лондон, а ќе започант во недела. Титулата ја брани Новак Ѓоковиќ кој ќе се обиде да ја освои својата 11-та титула оваа сезона.