Заев: Собранието треба да има консензус за економските политики

Потребен е консензус за прашањата кои се поврзани со економскиот развој на заемјата, рекол премиерот Зоран Заев на состанокот со Асоцијацијата на странски компании, информира владиниот прес центар.

Заев на средбата со претседателот на Аосцијацијата, Виктор Мизо и првиот човек на Стопанската комора Бранко Азески истакнал дека од голема важност е Собранието да има консензус по економските прашања.

Потенцирал дека за  Владата од голема важност е зголемувањето на довербата на инвеститорите, отпочнувањето на нови инвестиции, поттикнувањето на извозот, зајакнувањето на човечкиот капитал, а со тоа и подобрувањето на севкупниот економски раст во државата, се вели во соопштението.