Заев се сретна со европратениците Ховит, Кукан и Вајгел
Претседателот на СДСМ Зоран Заев, придружуван од заменик-претседателката Радмила Шекеринска, денеска се сретна со европратениците Ричард Ховит, Едвард Кукан и Иво Вајгел.
На средбата, како што соопшти СДСМ, се разговарало за спроведувањето на Договорот од Пржино и потребата од негова суштинската имплементација.
Заев, како што се додава во соопштението, истакнал дека Договорот од Пржино е единствена можност за излез на Македонија од политичката криза и дека само негово целосно спроведување може да создаде услови за одржување на фер и демократски избори.
- Социјалдемократскиот сојуз на Македонија ги исполни сите обврски од Договорот. Продолжуваме со нашата посветеност и очекуваме сите страни да ги исполнат своите обврски како што е предвидено. Политичките партии имаат обврска пред граѓаните да ги исполнат очекувањата за слободни, фер и демократски избори, рекол Заев.
Претседателот на СДСМ изразил жалење што не се спроведуваат реформи во клучни области, директно поврзани со изборниот и предизборниот процес.
Според него, регулирањето на состојбата во медиумите и прочистувањето на Избирачкиот список не се обврски само од Договорот од Пржино. - Овие две области, уште пред објавувањето на проектот Вистината за Македонија, сите релевантни меѓународни организации ги посочија како клучни сфери во коишто мора да се спроведат сериозни реформи за обезбедување на гаранции за фер и демократски избори, посочил Заев.
Како што нагласил, слободата на медиумите и слободата на говорот се директно поврзани со демократскиот амбиент во предизборниот период.
- Императив на Договорот од Пржино е кристално чист предизборен и изборен процес. Само целосно исполнување на договореното ќе и даде шанса на иднината на Република Македонија како слободна, демократска и европска држава, смета Заев.
Ново на Сител
-
Заклучена врата за излез во случај на опасност, слаба заштита и незаконски огномет - низа пропусти во клубот во Кочани
-
Пациенти од Штип и Кочани се пренесуваат на скопските клиники
-
Повеќе од 4 часа трае информативниот разговор со Крешник Бектеши
-
Повредените хоспитализирани во Скопје и земјите од регионот
-
Коцевски: Се бара краткотраен притвор за 10 лица, ова е ерозија на системот
-
Крешник Бектеши се поврзува околу фалсификуваните лиценци за дискотеката во Кочани
-
Од утре темелна истрага, контрола на сите дискотеки во државата и немилосрдна борба против корумпираниот систем
-
Мицкоски: Ќе има силна кривична одговорност, независно кој од која партија е, на која функција или од која институција