Заев: Република Северна Македонија ги дели вредностите на НАТО и на ЕУ
Во годината кога одбележуваме 30 години независна држава, Република Северна Македонија како рамноправен партнер во најмоќниот безбедносен и политички сојуз – НАТО ги дели вредностите на Алијансата, а како кандидат за членство во ЕУ ги прифати и ги промовира европските вредности како резултат на слободно изразената волја на народот и низ политичките институции, објави на својот фејсбук профил премиерот Зоран Заев.
Во временската линија на развојот на нашата државност, денешниот ден, 17 ноември, е запишан како ден кога во 1991 година, во Собранието на Социјалистичка Република Македонија беше усвоен Уставот на Република Македонија, прв по прогласувањето на сувереноста и самостојноста на 8 септември, откако претходно беше усвоен нацрт-амандманот за бришење на атрибутот „Социјалистичка“ пред името на државата.
Историјата уште запиша дека пратениците од првиот мандат на плуралното Собрание од 1991 до 1994 година го дадоа својот исклучителен придонес во процесот на градење на македонската парламентарна демократија, и во креирањето и донесувањето на неопходните државотворни акти и документи со кои јасно се трасираше патот за изградба на самостојна и независна држава. Во мандатот на пратениците од првиот пратенички состав беше распишан референдумот за независност, беше усвоен првиот устав на независна Република Македонија и беа утврдени државната химна и знаме како темелни обележја на независната и суверена македонска држава.
Во трите декади што следеа по овој историски настан, Уставот на Република Северна Македонија, беше дополнет со амандмани уште во осум наврати за да бидат вградени сите неопходни и институционални и идентитетски атрибути на една самостојна и суверена држава според стандардите на домашното и меѓународното право, напиша Заев.
Ново на Сител
-
Работниците ширум Европа и Азија бараат поголеми работнички права на првомајските демонстрации
-
Почнува уписот на првачиња за учебната 2024/2025 година
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата