Заев и Спасовски на граѓаните од исламска вероисповед им го честитаа Светиот месец Рамазан
Започна месецот на рамазанските пости. Светите денови кога се култивира и усовршува духовниот раст и подвиг, како и дисциплината кон телесните и другите земни искушенија. Деновите на рамазански пости се потсетник дека милосрдието, почитта, солидарноста, добрината, љубовта и простувањето се вредности кои треба да ги почитуваме и кои не обединуваат како народи, објави денеска на својот фејсбук профил премиерот Зоран Заев.
Во времето на Ковид-19, посочува премиерот, ова се денови кога дополнително повеќе се грижиме за болните, за духовно обесхрабрените, за нашите сограѓани и за сите луѓе во неволја.
-Им подаваме рака на сите без разлика на нивната верска припадност. На сите наши сограѓани од исламската вероисповед нека им биде благословен светиот месец Рамазан, и нека ги придружува мирот и спокојството за време на светиот пост, напиша Заев.
И министерот за внатрешни работи Оливер Спасовски на својот фејсбук профил на граѓаните од исламска вероисповед и на нивните семејства им посака лесни пости во Светиот месец Рамазан, месецот на покорноста, трпеливоста и добрите мисли.
-Нека Рамазанските денови на духовното и телесното прочистување Ви донесат мир и зацврстување на вербата, но и мотивација за добри дела поттикнати од највозвишените човекови вредности – хуманост, меѓусебно разбирање и солидарност, бидејќи истите, всушност, се и темелот на нашето заедништво, на нашето општество еднакво за сите. Воедно, во име на солидарноста, Ве повикувам заеднички да придонесеме кон зачувување на здравјето, преку одрекувањето и воздржувањето да ја покажеме највисоката грижа за другите, со одговорност кон најблиските, семејството и сограѓаните да продолжиме кон создавањето на подобар живот за секој еден. Нека биде благословен и честит Светиот месец Рамазан!, напиша Спасовски.
Популарно од Македонија
Ново на Сител
-
Протест на земјоделците во Брисел со барање за „силен“ буџет за земјоделството
-
Кубилиус: Историските спорови не треба да се решаваат со блокирање на кандидатите за членство во ЕУ
-
Фон дер Лајен: ЕУ ќе им овозможи на кандидатите за членство целосен пристап до средства од инструментот „Глобална Европа“
-
Лишена од слобода лекарка од Битола заради примање поткуп
-
Божиновска за ветерниот парк кај Штип: Силен сигнал за стабилни инвестиции и зелена транзиција
-
Медиуми: Франција и Италија одбиваат да купуваат американско оружје за Украина преку НАТО
-
ОЈО Битола постапува во случајот со примање поткуп во Болницата во Битола, повеќе детали се најавуваат за утре
-
Пожар од прскалка на роденденска забава во Свети Николе
