Заев: Го поздравуваме планот за инвестиција на американската HTEC Group во ИТ секторот на Македонија
Претседателот на Владата на Република Македонија Зоран Заев денеска прими претставници на HTEC Group, американска компанија за софтверско инженерство, која обезбедува услуги во оваа дејност, услуги за развој на производи во широк спектар на индустрии, како што се малопродажбата, логистиката, медицинската технологија, информатички услуги во финансискиот сектор и други.
Главниот оперативен директор на групацијата HTEC, Дејвид Шох, му го претстави на премиерот Заев амбициозниот план на компанијата за инвестиции во регионот, кој вклучува формирање центар за развој во Македонија.
„Ние веруваме дека со обезбедување на уникатни можности за развој на кариера, конкурентни пакети за компензација и шанса да работиме со водечките глобални корпорации за врвни технологии, можеме да отвориме нови можноста за врвните млади таленти на Македонија и да им помогнеме на напорите на земјата во борбата против економска миграција на работна сила“, рече на средбата Шох.
Премиерот Заев ја поздрави инвестицијата и го претстави на HTEC Group пакетот на Владата за поддршка на странските инвеститори, дополнително истакнувајќи ја заложбата на Владата за зајакнување на ИТ секторот во Македонија.
„Покрај постоечката поддршка, Владата ќе ја реализира мерката за постепено намалување на персоналниот данок во ИТ индустријата и од сегашните 10% да дојде до целосно укинување, односно до 0% во 2023 година“, рече премиерот Заев на средбата и истакна дека се регистрирани позитивни трендови во економијата и дека полнењето на државната каса оди според планираното, а приходите се на повисоко ниво од преткризниот период од минатата година.
HTEC Group вработува над 800 инженери и покрај канцелариите во САД, Велика Британија, Холандија, Шведска и Словенија, има развојни центри на четири локации во Србија и една во Босна и Херцеговина.
Ново на Сител
-
МНР му го одзеде дипломатскиот пасош на претседателот на ФФМ Муамед Сејдини
-
ДЗР: Има неправилности во спроведувањето на пописот на залихите и управувањето со Клиниката за радиотерапија и онкологија
-
Без вода делови од улицата „Иван Цанкар“ и трета зона Припор
-
СДСМ: Бојан Христовски е личен избор на Мицкоски - партизацијата на АНБ ја потврди и Таравари
-
ВМРО-ДПМНЕ: Со СДС, АНБ стана партиски штаб, партијата послабо да пие од апчињата за заборавање
-
Почина Пол Ди’Ано - поранешен предводник на хеви-метал бендот „Ајрон мејден“
-
Максимална победа за Алкалоид во второто коло на Европскиот шаховски клупски куп
-
Петмина убиени во куќа во Сиетл, осомничено 15-годишно момче