Забрана за камиони на Стража, Ѓавато и Маврово, магла на Плетвар

На патниот правец Гостивар – Кичево преку планискиот премин Стража од 12:45 часот денеска повторно е воведена забрана за тешки товарни возила во двата правци, соопшти диспечерско-информативниот центар на ЈП „Македонија пат“. 

Остануваат во сила забраните за камиони на планинскиот превој Ѓавато и на патниот правец Маврово - Дебар, а магла со видливост од 100 метри има на Плетвар.

На патиштата низ државата, освен во источните делови врне снег со слаб интензитет. Сообраќајот се одвива по влажни коловози, наместа со остатоци од кашест снег на коловозот.

Од „Македонија пат“ апелираат на внимателно возење и прилагодување на брзината кон условите на патот.

Надвор од градските средини интензитетот на сообраќајот е умерен, а на граничните премини нема подолги задржувања за влез и излез од државата.