За околу два часа распродадени картите за концертот на Металика во Атина
Околу два часа траеше продажбата на билети за концертот на Металика во Атина закажан за почетокот на мај следната година, а поради огромниот интерес за хеви-метал групата, картите по цена од 86 до 550 евра, беа експресно распродадени, јави дописничката на МИА од Атина.
Металика, по пауза од 16 години повторно ќе одржат концерт во Грција во рамките на нивната светска турнеа М72.
Концертот е закажан за 9 мај 2026 година на Олимпискиот стадион во Атина, а организаторите соопштија дека концертот е „солд аут“.
Во вторникот и четвртокот имаше претпродажба на билети за регистрираните во фан-клубот на Металика, додека пак вчера продажбата беше отворена за сите, но не траеше повеќе од два часа.
Цените на билетите беа 86,25 евра, 97,75 евра, 109,25 евра, 120,75 евра, 143,75 евра и 178, 25 евра во зависност од местото на трибините, додека пак за т.н. Snake pit, односно местото што е најблиску до сцената, влезницата беше 550 евра.
Американската хеви-метал група во Атина одржаа концерти во 1993 година, во 1999 година, во 2007 година, а последниот беше на крајот на јуни 2010 година.
Ново на Сител
-
Хеликоптерите на МВР фрлија повеќе од 30 тони вода на пожарот на планината Плачковица | ВИДЕО
-
Хуманитарната катастрофа во Газа мора веднаш да престане, велат Париз, Лондон и Берлин
-
Најмалку 25 лица загинаа, а 280.000 останаа без покрив над главата од почетокот на обилните дождови на Филипините
-
Министерот Тошковски во посета на џудо тренинг сесија на полициските специјалци во Центарот за обука во Идризово
-
Трамп вели дека договорот со ЕУ има 50 отсто шанси, а договорот со Канада можеби нема да се случи
-
На Табановце се чека 40, а на Богородица 20 минути
-
Крадел од пациенти на Онкологија, Обвинителството поведе постапка
-
Две затворски казни од пет години и парична од 300.000 денари за фирма за предизвикан пожар над велешко езеро „Младост“ во август 2019