За градоначалникот на Тирана, затворски, за сопругата, која е надвор од земјата, куќен притвор
На барање на Специјалното обвинителство против организиран криминал и корупција, (СПАК) на градоначалникот на Тирана, Ерион Велиај, кој беше уапсен попладнево, му е изречена безбедносна мерка затворски притвор, додека на неговата сопруга Ајола Џоџа, во отсуство и е одреден куќен притвор.
Џоџа веќе два дена е во странство, поточно во Рим, Италија.
Специјалниот суд определи мерка редовно јавување во судот за пет бизнисмени кои добивале сомнителни тендери од Општина Тирана. Истрага е почната и против пратеничката К.Б. дела кои го спречуваат дознавањето на вистината, се наведува во соопштението на СПАК.
Со одлука на судот на сите лица опфатени во ова досие привремено им е конфискуван недвижен имот, вили, станови, а на сопругата на Велиај, Џоџа и граѓанска организација преку која и биле префрлувани пари, блокирани се средства од околу 900.000 евра во две банки.
СПАК против Велиај водеше истраги поврзани со повеќе обвиненија, како злоупотреба на службената положба, активна корупција, пасивна корупција, непријавување имот и перење пари.
На 6 декември, по налог на Специјалниот суд беше извршен претрес во домот на Велиај, во неговите службени канцеларии, како и работните простории на неговата сопруга, на која и беше земен и мобилниот телефон.
Велиај на распит во СПАК беше неколкупати, а денеска е уапсен во неговиот кабинет.
Ново на Сител
-
Рубио: Наскоро треба да биде постигнат мировниот договор помеѓу Русија и Украина
-
Приведени двајца кичевчани, едниот возел со 2,05 промили алкохол во крвта
-
15-годишник се тепал со друг малолетник, па нападнал и полициски службеник
-
Македонија со шест таеквондисти на Европското првенство во Талин
-
Приведени двајца велешани, краделе во подрум во Струмица и го нападнале сопственикот
-
Ѓоковиќ: Можеби веќе нема да се вратам на теренот во Мадрид
-
ЈО: Загинатиот мотоциклист во Чаир немал дозвола и заштитна кацига и возел брзо
-
21-годишен штипјанец со тврд предмет нападнал полицајка во Скопје