Вухан го заврши масовното тестирање на 11 милиони жители
Кинескиот град Вухан го заврши масовното тестирање на сите речиси 11 милиони жители за евентуално присуство на коронавирусот во нивните тела. Во тестирањата се откриени 300 асимптоматски вектори и нема активни случаи на Ковид 19.
Овие 300 лица, кои немаат симптоми на инфекцијата, биле испратени во изолација.
Пандемијата на коронаравирусот се верува дека потекнува од Вухан, град што потоа беше во карантин 76 дена и во кој беа регистрирани околу 50.000 заразени.
Тестирањето беше спроведено во втората половина на мај и го опфати секој жител на градот кој веќе не бил тестиран. Не се тестираа само децата под шестгодишна возраст, пренесуваат британските медиуми.
-Ова е исклучително ретко било каде во светот. Не само што ја покажа самодовербата и решеноста во борбата против епидемијата во Вухан, туку служи и како патоказ за другите градови во превенцијата, изјави експертот од Национална здравствена комисија Ли Ланџуан.
Заменик-градоначалникот Ху Џабо изјави дека градот Вухан потрошил 126 милиони американски долари на тестовите, што, како што кажа, вредеше, бидејќи Вухан сакал да ги увери жителите и луѓето ширум Кина дека епидемијата е минато и за повторно да ја рестартира локалната економија, објави Ксинхуа.
Ново на Сител
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина