Вучиќ: Немаме веќе луѓе за војни, ниту Србите ниту Албанците
Српскиот претседател Александар Вучиќ изјави синоќа дека Србите и Албанците немаат веќе луѓе за војни и оти компромисот е решение.
– Тоа што е мој повик е дека и едните и другите добро разбираат дека немаме многу животи и дека изгубивме многу луѓе, и Србите и Албанците. Не само во меѓусебни судири туку и голем број кои засекогаш си заминаа од овие простори, изјави Вучиќ за албанската ТВ Клан и американската Еј-Би-Си.
Според него, се поставува прашањето дали може Белград и Приштина да пронајдат нештро рационално и реално, и што би значеле загубите за едните и за другите, јави Танјуг.
- Кога има загуби и за едните и за другите тогаш тоа е макар минимално задоволување и за едните и за другите...тоа би не одвлекло во иднината што ќе значи дека можеме да зборуваме и за поикаков однос меѓу Србите и Албанците бидејќи во следните 100 години тие ќе бидат двата најголеми народа на Западен Балкан, изјави Вучиќ.
- И Албанците мора да влезат во српски чевли на еден ден како што Србите мора да влезат во албански чевли и тоа е она што го зборувам секој ден. Не сум го сменил нималку мојот став или својата приказна затоа што зборувам за албански медиум и тоа е она што искрено го мислам, додаде Вучиќ.
Тој вели дека е подготвен да ги слушне сите албански предлози и предлозите на меѓународната заедница, но според него, тие предлози не смеат и не може да бидат понижувачки за Србија.
Ново на Сител
-
ЦУК: Регистрирани седум пожари на отворен простор, два сè уште активни
-
Поскапуваат горивата
-
Приведен маж од Скопје, возел со 2,90 промили алкохол во крвта
-
Сител Телевизија вработува водителка на временска прогноза
-
Приведено лице што возело со 184 километри на час на место каде е дозволено 80 километри на час
-
Државна лотарија – во поддршка на културата и оштествениот развој
-
Ѓоковиќ: Кога се приближуваш кон 40. година треба да научиш да ја чуваш силата за најважните моменти
-
За една недела во Центар отстранети 99 непрописно паркирани возила