Вучиќ: Не се мешаме во прашањето за името, поддржуваме секој договор меѓу Скопје и Атина
Српскиот претседател Александар Вучиќ денеска изјави дека Србија го поддржува секој договор меѓу Скопје и Атина.
Меѓутоа, како што рече, Србија мора да ги „почитува ставовите на македонскиот претседател Ѓорѓе Иванов и на премиерот Зоран Заев“, јави дописникот на МИА од Белград.
Одговарајќи на новинарско прашање после воено-полицијската вежба „Заеднички удар 2018" во Краљево, за ставот на Србија во врска со договорот меѓу Атина и Скопје за идното име на македонската држава, Вучиќ истакна дека тоа се внатрешни прашања, во кои тие не се мешаат:
- Ние не се мешаме во внатрешните односи и сакаме ова прашање мирно да се реши, истакна Вучиќ.
Српските медиуми пренесувајќи ја оваа изјава на Вучиќ пишуваат дека премиерите на Грција и на Македонија, Алексис Ципрас и Зоран Заев, се согласиле дека името на македонската држава ќе биде Република Северна Македонија, а македонскиот претседател одбил да го потпише договорот.
Ново на Сител
-
Приведени две лица во Чашка за поткуп при избори
-
Приведени две лица поради основи на сомнение за поткуп при избори во Чашка
-
САД со визни рестрикции за раководители на бродски компании од Колумбија кои превезуваат нелегални мигранти
-
Бајден разговараше со Нетанјаху и ја повтори загриженоста на Америка поради инвазијата врз Рафа
-
Три лица во Прилеп истепале 20-годишник
-
Скопјанец нападнат од маж и жена во автобус
-
Малолетник избоден во Куманово
-
Од среда до викендот нестабилно со пороен дожд и грмежи