Вучиќ: Бомбите нема да ме уплашат
Српскиот премиер Александар Вучиќ утрово допатува во Лепосавиќ, првата точка од неговата посета на северниот дел на Косово.
Почетокот на посетата мина во сенка на тежок напад кој се случи изутринава, кога на салата во Зубин поток, од каде Вучиќ попладнево требаше да се обрати на граѓаните, беше фрлена експлозивна направа и беше пукано од автоматско оружје.
Вучиќ во Лепосавиќ изјави дека нападот нема да го уплаши.
- Силна Србија ништо не може да ја уплаши, порача Вучиќ пред насобраните граѓани и рударите од „Трепча“ и додаде дека се лаже секој кој мислел дека такво нешто ќе го предомисли во врска со посетата на Косово.
Тој дополни дека не е импресиониран од нападот на тројцата „јунаци“ на салата во Зубин Поток, во моментот кога неколку лица таму работеле на поставување на бината.
Инаку рударите го дочекаа српскиот премиер со пароли „Вучиќ чувај ја Трепча“, а тој возврати дека Србија нема да дозволи одземање на рудникот.
Ново на Сител
-
Составот на новата влада на Мицкоски пред финален договор
-
Бензините поевтинуваат, дизелот поскапува
-
Неделава Србија повторно оди на избори-за град Белград и на локални избори
-
Визер скратува летови од Скопје, компанијата се соочува со 40 приземјени авиони
-
Разрешен директорот Шокаровски поради висока смртност на Кардиохирургија
-
Демири: Хируршките сали се стари, Клинички ќе користи надворешни компресори додека не стигнат испитувањата
-
Пронајдени две неексплодирани гранати во Скопје
-
Тешка сообраќајка во Куманово: Две лица загинаа