Врховниот суд на Унгарија одобри референдум за мигрантската квота

Унгарскиот Врховен суд одобри денеска одржување на референдум за планот на ЕУ за воведување обврзувачки квоти за прифаќање мигранти и бегалци.

Референдумот, кој го иницираше унгарската Влада, претставува обид на премиерот Виктор Орбан да добие политичка поддршка за својот познат антимиграциски став.

Прашањето на референдумот ќе гласи: „Дали сакате ЕУ да пропише обврзно населување во Унгарија на луѓе кои не се државјани на Унгарија, дури и без согласност на Парламентот?“

Орбан претходно изјави дека гласот „не“ на референдумот ќе биде глас „во корист на независноста на Унгарија“.

Референдумот за квотите би требало да се одржи до крајот на годинава, а ќе биде валиден само доколку излезноста биде поголема од 50 отсто.