Времето во Македонија ќе биде сончево

Времето денес во Македонија ќе биде сончево, а во западните делови со мала до умерена локална облачност. Ќе дува слаб ветер од западен правец.

Температурата ќе се движи од три до 12 степени. 

Во Скопје ќе биде сончево со мала до умерена локална облачност. Ќе дува слаб ветер од западен правец.

Температурата ќе достигне до пет степени.

Во вторник изутрина ќе преовладува стабилно, суво и студено време, а дневната температура ќе биде во благ пораст. Попладне ќе има зголемување на облачноста почнувајќи од западните и северозападните делови каде кон крајот на денот и во среда ќе има локални врнежи од дожд и снег. Позначителна промена на времето се очекува од четврток кога изразено северно воздушно струење, со засилен, а повремено силен северен ветер ќе предизвика студено време и повремени врнежи претежно од снег.