Времето денес ќе биде сончево со температури до 17 степени

Времето во Македонија ќе биде сончево со мала до умерена локална облачност. Ќе дува слаб до умерен ветер претежно од јужен правец. По одделни котлини и по речните долини ќе има услови за појава на магла, особено во утринските часови.

Утринската температура ќе се движи од минус пет до еден, а дневната од 13 до 17 степени.

Во Скопје сончево со појава на слаба магла во утринските часови.

Утринската температура ќе се спушти до минус три, а дневната ќе се искачи до 15 степени.

До петок времето ќе биде стабилно и суво со пораст на дневната температура, а по одделни котлини ќе има појава на слаба магла. В петок кон крајот на денот и в сабота се очекува преку нашево подрачје да помине краток и релативно влажен бран. Ќе има зголемување на облачноста и повремени врнежи од дожд, на планините во северозападниот дел од земјава ќе има врнежи од снег. Потоа се очекува повторно стабилизирање и затоплување на временската состојба кај нас.