Врачување на државната награда „Св. Климент Охридски“ за 2017 година

Во Собранието на Република Македонија денеска во 13 часот ќе биде врачена државната награда „Св. Климент Охридски“ за 2017 година.

Во областа на воспитанието и образованието наградата ја добиваат професорот и писател Венко Андоновски и историчарот Наим Алими.

Во областа на културата и уметноста наградата годинава им се доделува на музичкиот уметник Гарабет Тавитјан, писателот Јордан Плевнеш и на филмологот Илинденка Петрушева.

Одлуката ја донесе Организацискиот одбор за државната награда „Св. Климент Охридски“ под претседателство на академик Владо Камбовски.

„Св. Климент Охридски“ е највисоко признание за долгогодишни остварувања во областа на воспитанието, образованието, културата, уметноста, здравството, заштитата и унапредувањето на човековата околина и во социјалната дејност од јавен интерес на Република Македонија.