Вознемирувачко видео: Медицинска сестра тепа жена во дом за стари лица во Косово

Според тамошните медиуми, полицијата реагирала откако на социјалните мрежи се појавила снимка од медицинска сестра која и удира шамар на штитеничка од домот за стари лица „Оренда“.

Фадиљ Гаши, портпаролот на полицијата за регионот на Пеќ, изјавил дека нападот се случил на 29 октомври, а медиумите на албански јазик во Косово и Метохија објавија дека се уапсени три лица.

„Клан Косова“ јавува дека меѓу уапсените се и менаџерот и две медицински сестри.

Снимката од насилството врз старицата ја пренесоа речиси сите електронски медиуми на Косово и Метохија, а за случајот беше ангажирана и здравствената инспекција, пренесуваат тамошните медиуми.