Воз се запалил кој сообраќал кон Куманово, откажани сите линии Скопје – Битола

Пожар избувнал вчеравечер во возот број 641 кој сообраќал кон Куманово, а потоа требало да продолжи кон Битола, информираат од Железници на Северна Македонија за „Слободен печат“.

Поради инцидентот утринава и во текот на денот се откажани сите редовни линии на релација Скопје – Битола. Според возниот ред, на оваа релација дневно има три поаѓања – во 07:06, 14:30 и 20:05 часот, но ниту една од нив денеска нема да сообраќа.

Засега ова се единствените информации, а подетални детали се очекуваат во текот на денот.