Вонредна седница на Стопанската комора за прогресивното оданочување, ќе присуствува и Тевдовски
Управниот одбор на Стопанската комора на Македонија денеска ќе одржи вонредна седница за најавеното прогресивно оданочување и ефектот од оваа мерка врз работењето на деловните субјекти.
На седницата ќе учествуваат и потпретседателите на Комората, како и министерот за финансии Драган Тевдовски.
Во саботата министерот Тевдовски најави воведување прогресивен данок. За приход од 90.000 денари, информира, ќе се плаќа дополнителен данок од осум проценти. Мерката треба да стапи во сила од 2019 година, а, како што истакна Тевдовски, со неа ќе се постигне т.н. праведно одданочување кое Владата го вети во предизборната програма.
Стопанската комора на Македонија и останатите членки на Платформата за јавно – приватен дијалог (Стопанската комора за информатички и комуникациски технологии – МАСИТ, Стопанската комора на северозападна Македонија и Сојузот на стопански комори) вчера предупредија дека не треба да се избрзува со новата мерка затоа што компаниите веќе ги имаат дефинирано финансиските планови за идната година. Потребни се, порачаа коморите, подлабоки анализи кои ќе покажат како прогресивното оданочување ќе влијае врз работењето на бизнисот.
Ново на Сител
-
МВР: Кривична пријава против поранешен градоначалник на скопска општина
-
Што и како помага психотерапијата | Елена Џебр | Личен развој | Sitel Podcast 031
-
Повреден малолетник, истепан со дрвени и метални предмети од други малолетници
-
Кривична против тројца скопјани за „убиство во обид“ и „соизвршителство“
-
54-годишна скопјанка пронајдена почината
-
ДИК не го прифати приговорот за гласањето во Липково
-
Рендевски и Алексовски автори на поглавје во книгата „Двете страни глутаматот“
-
Пронајдена граната во близина на камп во Гевгелија