Водата за пиење во Прдејци може да се користи само како техничка
Јавното комунално претпријатие ,„Комуналец,“ од Гевгелија, поради дефект на цевководот, од денеска забрани водата во селото Прдејци да се користи за пиење и готвење,туку само како техничка.
– Водата е заматена поради скината цевка на долниот дел од цевководот преку кој водата од резервоарот се пренесува до населеното место. Екипите се на терен и работат на отстранување на дефектот, но условите се отежнати поради врнежите од дожд и надојдената вода во реката, велат од „Комуналец“.
– Водоснабдувањето на Прдејци, пред се со вода за пиење, ќе биде нормализирано по отстранување на дефектот и откако ќе се направи проверка на квалитетот на водата за пиење, нагласија комуналците.
До тогаш водата во Прдејци може да се користи само како техничка, а во меѓувреме „Комуналец“ обезбеди цистерна со вода за пиење која им е ставена на располагање на жителите од Прдејци.
Ново на Сител
-
Комплетиран предлог составот на новата влада, гласањето најавено за 22 и 23 јуни
-
Американски турист пронајден мртов на остров во близина на Крф, исчезнаа уште тројца туристи
-
Шест години од потпишувањето на Договорот од Преспа
-
Лидерите на ЕУ на неформална средба ќе расправаат за избор на носителите на врвните функции во Унијата
-
Столтенберг во посета на САД и Канада
-
Состојба на патиштата
-
Сончево и топло, температурата до 36 степени
-
Мажите мора да служат војска | Димитар Атанасовски | Лабави муабети | Sitel Podcast 44