Во ЗОО Скопје се родија три бели волчиња кои се загрозен вид
Во Зоолошката градина Скопје се родија бебиња од загрозениот вид бели волци (canis lupus arctos). Стари се три недели, а белата боја на крзното, како на нивните родители, ќе ја добијат со текот на времето.
-Волчињата се заедно своите родители и тие се грижат за нив во нивното живеалиште. Мајката ги роди во дувло коешто сама го направи и таму сокриени го поминуваат поголемиот дел од денот. Во многу земји на Европската Унија овие волци се строго заштитени со Бернска конвенција, соопшти ЗОО.
Белите волци во Зоолошка градина во Скопје пристигнаа од Чешка во 2020 година. Се работи за арктички волк (Canis lupus arctos), подвид на сивиот волк кој ги населува арктичките региони на Северна Америка и Гренланд. Познати се и како поларни волци или бели волци.
ЗОО информира дека овој вид волци се загрозен вид, но не поради ловење од човекот, туку од климатските промени на Арктикот. Нарушениот екосистем во овие делови значително го намалил бројот на овие животни во последните години.
-За потсетување, оваа пролет во Зоолошката градина во Скопје се случува вистински „бејби бум“, односно се родија три лавчиња, белорак гибон, мала лама, бебиња кенгури, лемури, берберска овца, камила и најновите бебиња бели волци, соопшти Зоолошката градина.
Ново на Сител
-
Ѓоковиќ ја „освои“ Атина и 101.турнир во својата кариера
-
Алиу: Примената на вештачката интелигенција во медицината помага за подобрување на дијагностиката
-
Расправа за Предлог-буџетот за 2026 година во матичната собраниска комисија на 14 ноември
-
Договор Унгарија-САД: Изземање од санкции за руски енергенси, Будимпешта купува американски ЛНГ
-
Протест во Тузла, се бараат оставки поради трагедијата во Домот за пензионери и случајот со малолетнички
-
Ѓорѓиевски: Се чисти кејот на Вардар, се поставуваат украсни канделабри на плоштадот „Македонија“
-
ЕУ ги осуди израелските напади во Јужен Либан и повика на почитување на примирјето со Хезболах
-
Руте: Нуклеарните вежби покажаа дека НАТО има силни сили за одвраќање
