Во Унгарија не се наздравува со чаша
Иако во голем дел од светот чукнувањето со чаши за здравица се смета за нормален чин – тоа не е случај во Унгарија. Таму тој потег често се смета за непочитување.
Наздравување се случува кога за тоа има посебна причина, во чест на одредена личност или едноставно – како израз на добро расположение. Меѓутоа, во Унгарија овој гест се поврзува, пред сѐ – со преданието што раскажува за 1849 година, кога Унгарците ја изгубиле битката за независност, па австриските власти егзекутирале 13 унгарски војници.
Приказната натаму раскажува за австриските генерали кои славеле со наздравување со пијалак и потчукнување со чаши по погубувањето. Поразени и тажни, Унгарците тогаш се заколнале дека нема да креваат чаши за време на здравица и оти таа заклетва ќе трае 150 години… Тој век и пол одамна помина, но навиката остана.
Сепак, ова правило, се чини, не важи за оние кои ја посетуваат Унгарија. Заблуда е, сепак, дека денес тамошните жители ќе ве гледаат „попреку“ и со презир ако наздравите со пиво како турист во Унгарија. Овој вид наздравување, по сѐ, изгледа оти е „забрането“ само за Унгарците.
Ново на Сител
-
Попладнево избувна голем пожар кај валандовско Грчиште, изгорени неколку штали
-
Трамп за Маск: Можеби ќе го депортирам, можеби ќе му го пуштам „DOGE“
-
Германија финансира дронови за Украина
-
Зеленски одликува 226 украински војници
-
ЕК демантира дека Фон Дер Лајен имала „долг“ разговор со Вучиќ
-
Србија заостанува зад другите кандидати за членство во ЕУ, тврди данската министерка за надворешни работи
-
Муртезани: Реформите и заедничкиот пазар се наш компас кон стабилност, единство и иднина
-
Повредени две лица во сообраќајка во Куманово