Во Тирана уапсени дилери на дрога кои работеле како новинари

– Албанската полиција, во Тирана уапсила група од четворица новинари кои продавале дрога, меѓу нив и син на сопственик на портал.

-Во рамки на шифрираната акција „Drug party“ уапсени се Ергис Нока (18), Дрин Вјерда (18), Кристофор Панделејмони (19) и Марио Чера (24) кои работеле како новинари во порталот за вести “Publik. al”.

Еден од уапсените, Ергис Нока, е син на сопственикот на порталот, Наим Нока, објавија албанските медиуми.

Полициските служби ги лоцирале, на улица „Пјетр Богдани“ при што при физички претрес, кај нив, биле пронајдени и како материјален доказ одземени 300 таблети екстази (МДМА).

Исто така, при претрес во просториите на порталот, лоциран на истата улица, како материјални докази се пронајдени и одземени повеќе електрични уреди за кои постои сомнение дека се користат за одгледување на наркотична супстанција канабис.

Во повеќемесечната истрага потврдено е дека таблетите екстази ги обезбедувале преку Косово и Србија и ги продавале главно во Тирана и тоа на големо по 100 евра, додека една таблета по 300 евра.