Во текот на неделата облачно и свежо - Еве какво време не очекува утре

Времето утре во Македонија ќе биде променливо облачно со повремени врнежи од дожд кои повеќе ќе бидат застапени во северозападните и северните делови на земјава. Преку денот ќе дува слаб до умерен ветер од југоисточен правец, а по одделни котлини ќе има услови за ниска облачност и појава на магла.

Утринската температура ќе се движи од четири до 11, а дневната од 12 до 18 степени.

Во Скопје ќе биде променливо облачно со повремени врнежи од дожд и со утринска слаба магла. Преку денот ќе дува слаб до умерен ветер од југоисточен правец. Утринската температура ќе се спушти до пет, а дневната ќе искачи до 13 степени.

Во текот на работната недела нашето подрачје ќе биде под влијание на серија влажни бранови од Медитеранот кои ќе условат променливо облачно време со повремени врнежи од дожд, а на повисоките планини повремен снег. Облачно и свежо со поинтензивни врнежи од дожд се очекува во среда и петок, особено во западните и јужните делови. Дневната температура секојдневно ќе опаѓа за 2 до 3 степени