Во тек Конкурс за проекти од креативните индустрии за 2016-та
Министерството за култура информира дека до 4 декември 2015 е во тек Годишниот конкурс за финансирање проекти од национален интерес во културата од областа на креативните индустрии за 2016 година.
Ќе бидат поддржани проекти кои се во функција на промоција, афирмација и развој на креативните индустрии, во секторите: визуелни уметности (графички дизајн, мултимедијален дизајн); индустриски дизајн, дизајн на производ и моден дизајн; и манифестации/фестивали и конференции/форуми од областа на креативните индустрии.
Право на учество на Конкурсот имаат здруженија и други правни лица кои се регистрирани во Централниот регистар на Република Македонија и физички лица. На Конкурсот не може да учествуваат национални установи од областа на културата, локални установи од областа на културата, општини и образовни установи, но тие може да бидат партнери во проектите со субјектите што имаат право на учество на Конкурсот.
Пријавата од областа на креативните индустрии, која е составен дел од Конкурсот, е објавена на веб-страницата на Министерството за култура (www.kultura.gov.mk).
Конкурсот за креативните индустрии се објавува по четврти пат, а е активност предвидена со Националната стратегија за развој на културата за периодот 2013-2017 година заради унапредување на овој мошне значаен сектор. Министерството за култура досега има поддржано околу 150 проекти кои нудат различни иновативни уметнички форми и содржат препознатливи естетски вредности.
За да се зголеми значењето на креативните индустрии, Министерството за култура во изминатиот период беа организирани и тематски креативни работилници, конференции и форуми, донесена и Стратегија и акциски план за развој на креативните индустрии во Република Македонија. Неодамна беше отворен и првиот Центар за дизајн во Република Македонија – Јавна соба, кој е единствен од ваков вид и на Балканот, урбан, иновативен и мултимедијален простор кој нуди соодветни услови за продукција и презентација на современите културни и уметнички програми на независниот културен сектор.
Ново на Сител
-
Сообраќајот се одвива непречено, по суви коловози, золемен интензитетот надвор од градските средини
-
Променливо облачно со слаб до умерен ветер, попладне се очекува пороен дожд проследен со грмежи
-
Пожарот во Националниот парк Дрина се шири и се приближува до куќи
-
Со возило на авто-школа удрен па истепан малолетник, а потоа нападната и неговата мајка
-
Воздухопловен ВИНГ - 32 години во служба на државата и гарант за воздушната независност
-
Мицкоски: Исправени пред нова борба, еднакво значајна како создавањето на татковината
-
Локалните власти прогласија вонредна состојба поради пожарите кај Сребреница
-
Почна свечената академија по повод Денот на независноста - 8 Септември