Во тек е исплатата на правата од социјална и детска заштита

Министерството за социјална политика, демографија и млади информира дека денеска почна исплатата на правата од социјална, детска и цивилна заштита за месец декември 2025 година. 

Исплатата се однесува на гарантирана минимална помош, гарантиран Детски додаток додаток за социјално домување, еднократна парична помош, еднократна парична помош за новороденче, образовен додаток, образовен додаток - студирање, родителски додаток за трето дете, социјална сигурност за стари лица, траен надоместок, цивилна инвалиднина и сместување во згрижувачко семејство.

Исплатата на правата: Посебен додаток, Парична помош за попреченост и Туѓа нега ќе се изврши дополнително.

Како што информира Министерството, корисниците на парични права кои поседуваат дебитна картичка ќе можат да подигнат готовина на банкоматите на банките, да ги користат средствата за безготовински плаќања во продажната мрежа или преку електронско и мобилно банкарство од денеска, 5 јануари 2026 година.

-За да се избегне метеж пред и во банките при исплата на правата, за корисниците кои не користат картички, исплатата ќе се спроведе во 2 групи во сите отворени филијали и експозитури на банките, согласно утврдениот распоред по азбучен ред, според првата буква од презимето и тоа: 05.01.2026– А, Б, В, Г, Д, Ѓ, Е, Ж, З, Ѕ, И, Ј, К, Л, Љ и 06.01.2026– М, Н, Њ, О, П, Р С, Т, Ќ, У, Ф, Х, Ц, Ч, Џ, Ш., наведува Министерството за социјална политика, демографија и млади.

МИА