Во Србија почна изборниот молк

Во Србија на полноќ почна предизборниот молк со што е забранета каква било изборна пропаганда преку средствата за јавно информирање, одржување на јавни собири и објавување на проценки за изборните резултати.

Предизборниот молк ќе трае до втори април до 20 часот односно до затворање на избирачките места.

Во трката за претседател на Србија учествуваат 11 кандидати, а изборните места в недела ќе бидат отворени од седум до 20 часот.

Ќе се гласа на 8.523 изборни места во Србија, во Косово на 90, а во странство ќе бидат отворени 53 гласачки места во 32 држави.

Резултатите од гласањето во странство не смеат јавно да бидат ибјавени пред да завршат изборите во Србија.