Во Србија од вакцинација една несакана реакција на 3.973 имунизирани лица
Во Србија досега се пријавени 755 несакани реакции на вакцини против коронавирус, што значи дека има само една пријавена реакција на 3.973 имунизирани граѓани, изјави претставникот на Агенцијата за лекови и медицински помагала (АЛИМС), Павле Зелиќ, јави дописникот на МИА од Белград.
Зелиќ на РТС изјави дека сите реакции се благи, дека се однесуваат на појава на оток, црвенило, високи температури, болки во мускулите и поминуваат за неколку дена.
Тој апелираше до граѓаните да имаат доверба во здравствените работници, да се консултираат за вакцините и лековите и да не бараат „ефтини одговори“ на некои други места, каде што во „еден пасус негира сѐ она што се наоѓа на илјадници страници (научни истражувања)“.
-Сега сме преплавени со информации преку социјалните мрежи, медиуми … Сакам да ги охрабрам луѓето да се вакцинираат, да се разбие каква било мистерија за вакцините, кажа Зелиќ.
Во Србија е достапна имунизацијата со вакцините „Синофарм“, „Фајзер/БионТек“, „АстраЗенека“ и „Спутник В“, а Зелиќ изјави дека Модерна се уште не поднела барање за регистрација, дека се водат преговори и дека очекува и таа да се најде во понуда.
–СЗО и Европската агенција за лекови дадоа јасен став дека не треба да се ограничи примената на вакцината на АстраЗенека, бидејќи придобивките се неспоредливо поголеми од ризиците. Сите тромбози што се досега забележани се следат. Српската агенција за лекови на 17 и 24 март издаде две известувања, во кои ги повикува здравствените работници да следат што се случува. До денес, ниту еден случај не ни е недвосмислено потврден дека има било каква врска со создавањето тромб со оваа вакцина, посочи Зелиќ.
Тој изјави дека во Србија има сосема доволно вакцини, затоа што досега се пристигнати над 3,5 милиони дози.
Ново на Сител
-
„Македонија во чест на Свети Кирил“ - Претседателката се сретна со Папата
-
Македонците се условени да прифатат диктат откажувајќи се од самите себе, вели историчарот Панов
-
Преговорите за Влада во напредна фаза се уште нема конечен договор за Министерствата
-
Македонија во фокусот на грчката јавност
-
Продолжува хаосот на хирургија - 6ти ден не работат операционите сали
-
57 вработени на Токсикологија бараат одговорност од организациската директорка Бесија Иљази
-
Импровизираниот луна парк се уште не се демонтира - На потег УЈП и ДПИ
-
Судот му го одзема пасошот на обвинителот Иџет Мемети, тој негира дека е вмешан во случајот со мито