Во соборниот храм Светите Кирил и Методиј во Тетово отслужена света архиерејска и божествена литургија
Во соборниот храм Светите Кирил и Методиј во Тетово денеска по повод црковниот празник „Светите три ерарси“, тројца владици на Македонската правослвна црква, митрополитот тетовско – гостиварски господин Јосиф, митрополитот европски господин Пимен и митрополитот кумановско - осоговски господин Јосиф отслужија света архиерејска и божествена литургија.
Христијанската црква на овој ден заедно го празнува споменот на трите светци Василиј Велики, Јован Златоуст и Григориј Богослов.
Во својата беседа пред верниците надлежниот митрополит тетовско гостиварски господин Јосиф посочи дека празникот е востановен во деветтиот век во Цариград од страна на епископот Јован бидејќи со тек на времето христијаните започнале да се делат мерејќи кој од тројцата светители е посвет од другите. За да го запре безумието Црквата го установила нивното заедничко и рамночесно празнување на овој ден иако секој од нив има и свој посебен празник.
- И токму овој настан и сето тоа што му претходеше имаше голема смисла и голема порака за нас денешните современи христијани како насекаде во светот така и овде за нас во Македонија. А пораката е дека разединетоста, несогласието, раздорите се само продукт на нашето несмирение и на нашето неправилно живеење како христијани. А гледаме од житието на овие тројца боговенчани мажи на бога дека на бога му е угодна сплотеноста, еднодушноста и едномислието во заедничкото дело ма спасението, рече митрополитот тетовско гостиварски господин Јосиф.
На денешната литургија во Тетово посветена на трите ерарси сослужуваа повеќе архимандрити, игумени и свештеници од неколку епархии и манастири на Македонската православна црква – охридска архиепископија.
Ново на Сител
-
Истражување: Половина од раселените Украинци изразиле подготвеност да се вратат во земјата
-
ЈОРСМ: Извршен увид и обезбедени траги за вештачење од местото на убиството во Стајковци
-
НАТО функционер за АНА-МПА: Северна Македонија под уставното име влезе во Алијансата
-
17-годишно момче исчезна од установа за згрижување деца во Карпош
-
OpenAI ja претстави најновата верзија на својот чатбот – ChatGPT-4o
-
Две лица се здобиле со тешки телесни повреди при извршување работни задачи
-
Двојно убиство попладнево во скопско Стајковци
-
Анкета на ИРИ: 68% од Македонците поддржуваат членство во ЕУ