Балкан
26. March 2020 - 17:54

Во Словенија регистрирани 36 нови случаи на коронавирусот

Националниот институт за јавно здравје на Словенија потврди дека во земјата се регистрирани 36 нови случаи на лица заразени со коронавирусот.

Како што јави дописникот на МИА од Љубљана, со овие вкупниот број заразени изнесува 562.

До сега во државата се направени 17.294 тестирања. Според информациите на надлежните од сите заразени, во болница се само 98, а 17 се на одделот за интензивна нега.

Како последица од Ковид-19 почина уште едно лице, а се работи за постаро лице, сместено во Домот за стари лица Метлика, а имало и претходни тешки хронични болести.

Со ова вкупната бројка на починати од коронавирусот во Словенија изнесува шест лица.