Во Скопје регистрирани 217 сообраќајни прекршоци, 77 за брзо возење

На територијата на Град Скопје во текот на вчерашниот ден во рамки на засилени акциски контроли во областа на сообраќајот се изречени вкупно 217 мерки, меѓу кои 77 санкции за возење со брзина поголеми од дозволената брзина, 15 за управување возила без возачка дозвола и девет за технички неисправни и нерегистрирани возила.

Како што соопшти Министерството за внатрешни работи, изречени се 11 санкции за користење мобилен телефон, 26 прекршоци што ги чинат возачите на мотоцикли, осум за некористење сигурносен појас и 45 санкции за непрописно паркирање.

– Засилените акциски сообраќајни контроли продолжуваат. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, информираат од МВР.