Во Скопје одбележување на Прешерновиот ден

Словенечкиот центар - Скопје и Амбасадата на Словенија во Република Македонија утревечер во 19 часот во Музејот на град Скопје организираат прослава по повод словенечкиот културен празник Прешернов ден.

Прославата ќе биде реализирана во соработка со учесниците во дополнителната настава по словенечки јазик и култура во Скопје, студентите по словенечки јазик и книжевност при Универзитетот „Св. Кирил и Методиј“, Филолошкиот факултет „Блаже Конески" - Скопје, СЕПУГС „Васил Антевски Дрен" - Скопје, Музејот на град Скопје и со поддршка на Бирото на Владата на Република Словенија за Словенците во соседството и по светот.