Во Скопје 14 сообраќајни незгоди, тешко повреден пешак

Вкупно 14 сообраќајни се случиле изминатите 24 часа во Скопје. Од нив четири се со последица материјална штета, девет со телесни повреди во кои полесно се повредени 17 лица, а тешко повреден е и еден пешак, соопшти СВР.

Сообраќајната полиција откри и санкционира поголем број на прекршоци: 17 возачи не го почитувале ограничувањате на брзината, двајца се исклучени од сообраќај зашто биле под дејство на алкохол, тројца не ги почитувале светлосно-сигналните уреди, тројца не ги почитувале правилата за престигнување, 12 возеле без дозвола или нерегистрирани, додека 60 биле непрописно паркирани возила.

Санкционирани се и 11 пешаци кои поминале вон обележан пешачки премин или на црвено, а со „пајак се отстранети 67 возила.

Во рамки на сообраќајно воспитната проект „Сообраќајна култура на децата во предучилишните установи”, Одделението за превенција денеска ќе реализира едукативни работилници во градинката „Пролет“ објект „ Пролет 2 “ на подрачјето на општина Карпош.