Во Штип заврши првата „Текстилијада“
Со изложба на постери насловена „Текст, силна, текстилна“ на универзитетскиот професор на Ликовната академија во Штип, Јана Јакимовска и со изведбата на монодрамата „Сонот на обесправените“ напишана и изведена од текстилната работничка Ивана Грозданова заврши првата „Текстилијада“ во Штип.
Текстилната работничка Грозданова вели дека во монодрамата се зборува за нејзиното, но и за сведоштвата на текстилните работнички, кои се соочуваат со кршење на работничките права во овој сектор. Смета дека е потребна солидарност и поголема борба на работниците со цел да не се соочуваат со злоупотреби, како што е исплатата на миниминалната плата или исплатата на регресот за годишен одмор.
- Време е ние работниците да ги земеме работите во свои раце и ова е наша борба, моја, твоја на последната до нас и само заедно и сложни можеме да дојдеме до права и правда, порача Грозданова.
Игор Јадровски од Хелсиншкиот комитет за човекови права вели дека во изминатите 11 месеци додека се одвивал проектот со штипското здружение „Гласен Текстилец“ има будење на свеста кај текстилните работнички, но и на државните институции, како што е Државниот трудов инспекторат, кој што постапувал по нивните претставки кои ги добиле од работниците. Но, вели, и понатаму треба да се работи на поголема информираност на работниците за нивните права, кои им следуваат согласно законите.
Кристина Ампева од Здружението „Гласен Текстилец“ истакна дека во изминатите два дена добиле поддршка од локалната власт, но и од претставниците на политичките партии, кои биле дел од дебатите кои ги организираа во рамките на „Текстилијадата“.
- Ние продолжуваме и понатаму со дебатите, се надевам дека овие позитивни искуства кои ги имавме во Штип барем ќе ги продолжеме и во останатите градови во источниот регион. Се надеваме и на поголем слух од страна на државните иснтитуции, а очекуваме и средба со министерката за труд и социјална политика Мила Царовска на која ќе и ги презентираме нашите искуства и барања на работниците од текстилниот сектор, вели Ампева.
Првата „Текстилијада“ во Штип ја реализираа здружението „Гласен Текстилец“ во соработка со Хелсиншкиот комитет за човекови права, а поддршка добија од Фондацијата „Фридрих Еберт“-Скопје и Министерството за култура преку Нов културен бран.
Ново на Сител
-
Османи лично решил Македонија да биде коспонзор на резолуцијата за Сребреница
-
ЦГК: Училиштата трошат 10 милиони евра пари на родителите без отченост и транспарентност
-
Кавга меѓу Арсовска и Костадиновска Стојчевска: Министерката ќе ја тужи градоначалничката
-
Приватните специјализанти извисија - Решение после избори
-
Фриленсерството во Македонија - Предности и маани
-
Започна церемонијата за потпишување на Кодекс за фер и демократски парламентрани избори
-
Специјализантите незадоволни продолжуваат со штрајкот
-
100 болни и изнемоштени лица во Штип се пријавиле за гласање во домашни услови