Во Северна Кореја уапсен уште еден Американец

Северна Кореја денеска соопшти дека на крајот од минатиот месец уапсила американски државјанин  поради „непријателско дејствување“.

Севернокорејската државна новинска агенција КЦНА наведе дека Американецот, Ким Санг Док е приведен на аеродромот во Пјонгјанг поради „непријателски кривични дела со цел субверзија на земјата“.

Ким беше повикан да предава на Научно-техничкиот универзитет во Пјонгјанг. Ректорот на Универзитетот потврди дека Ким е приведен, но истакна дека е непозната причина за неговото апсење.

Во Северна Кореја во притвор се најмалку уште двајца Американци, Ким Донг Чул и Ото Варбијер.