Во Русија почна најобемната воена вежба со 95 илјади војници

Русија денеска ја почна најобемната воена вежба годинава „Центар 2015“, во која учествуваат 95 илјади војници и повеќе од седум илјади парчиња воена опрема, 170 воени авиони и 20 бродови, соопшти руското Министерство за одбрана.

„Вежбата на стратешка команда и персонал „Ценар 2015“ е завршна фаза од оперативната и борбената обука на оружените сили оваа година, како и заедничка борбена обука на оружените сили на државите членки на Организацијата за колективна безбедност и соработка“, се наведува во соопштението.

Вежбата се одржува во областа на Урал и на полиготните Тотски и Донгузу со 470 околопни возила, околу 90 тенкови, 260 пешадиски борбени возила, 130 оклопни транспортери, околу 20 артилериски системи и лансирни ракетни системи.

Во маневрите ќе биде тестирана подготвеноста на воената команда и контролните телана оружените сили на државите членки на ОДКБ да раководат со единиците на коалициските сили во локализирањето на меѓународне воружен судир, блокирање и уништување на илегални вооружни групи за време на заеднички специјални операции.

Држави членки на ОДКБ се Ерменија, Белорусија, Казахстан, Киргистан, Русија и Таџикистан, додека Србија и Авганистан имаат статус на набљудувачи.