Во продажба влезниците за дуелот Работнички-Рубин

ФК Работнички ги пушти во продажба влезниците за бараж дуелот за Лига Европа со Рубин Казан. Цената за следење на овој извонредно важен меч за македонскиот фудбал кој ќе се одигра на 20.август во 20ч изнесува 200 денари за Северната и Јужната трибина. На Источната ќе бидат сместени гостинските фанови а Западната нема да се користи.

Од денеска како што информираат од клубот влезници се продаваат на билетарата на Источната трибина и тоа во терминот од 12-20 часот.

Билети ќе се продаваат и на сите продажни места на МК-Тинс, Универзална сала, салоните на ONE и Југотон.

Влезници може да се нарачаат и онлајн преку МК-Тинс.