Во Прилеп се санираат последиците од вчерашното невреме
Во Прилеп се санирани речиси сите последици од вчерашното невреме проследено со пороен дожд, информира претседателот на Кризниот штаб во Прилеп, Никола Димески.
- Екипите на „Водовод“, „Комуналец“ и на Противпожарната бригада синоќа ја испумпуваа водата од објектите и подрумите поплавени во Прилеп и од улиците во градот. Според пријавите на граѓаните, од 40 случаи, 16 беа за поплавени подруми, објекти и приземни простории претежно во населбите Бончеица, Тризла и дел од населбата Рид. Отстранети се и дефектите во електричната енергија во градот. Центарот за јавно здравје ќе изврши третирање кај поплавените објекти за превентивна заштита, изјави Димески.
Според информациите од Центарот за управување со кризи во Прилеп, изутринава поради невремето се уште без струја се две прилепски села - Веселчани и Загорани и три во општина Долнени – Житоше, Борино и Лажани поради искинати жици во електричната мрежа. Екипите на ЕВН работат на отстранување на дефектите.
Прилепски „Комуналец“ изутринава ги чистеше улиците, а Кризниот штаб ќе се состане во 11 часот за координирање на активностите.
Ново на Сител
-
За септември одложен почетокот на повтореното судење за пожарот во модуларната болница во Тетово
-
Се заканувал на странска амбасада - Кривична пријава за прилепчанец
-
ЦУК: Заглавена екипа на Брза помош со пациент во лифт
-
До петок нестабилно време со дожд и грмежи, за викендот стабилно и топло
-
Јаневска: Во септември ќе има учебници за основно образование и за средно во најголем дел
-
Синдикатот на полиција во Македонија поднесе кривична пријава против поранешниот министер за внатрешни работи
-
Радев: Политиката на Скопје е насочена против европските принципи
-
Поднесена кривична пријава против Самка Ибраимовски за закани и повици за насилство кон судија на Уставниот суд