Во поројните дождови во Кина загинаа најмалку 50 лица
Во тридневните дождови во јужна Кина загинаа најмалку 50 лица, а 12 се прогласени за исчезнати, соопштија локалните власти, пренесува БТА.
Одделот за граѓански дела во централната провинција Хубеи соопшти дека поројните дождови го одзеле животот на 27 лица од четвртокот наваму. Дванаесет лица се прогласени за исчезнати, а околу 400 000 луѓе во провинцијата се евакуирани или им е потребна помош.
Во планинската провинција Гуејчжоу во југозападниот дел на Кина беше потврдена смртта на 23 лица, кои загинаа при лизгање на земјиштето во петокот.
Бури, придружувани од дождови, се вообичаена годишна појава во Јужна Кина, но овој пат сезоната на дождови беше со особено висока влажност, забележуваат медиумите. Канцеларијата, која ги следи поплавите на реката Јангцен, им нареди на локалните власти да се подготват за тешки поплави.
Дванаесет рудари се блокирани во поплавен рудник за јаглен во провинцијата Шанкси, соопшти ТАСС. Започната е операција за нивно спасување, а полицијата ги истражува причините за инцидентот.
Ново на Сител
-
Манчестер Сити четврти пат по ред шампион на Англија
-
За личниот живот и 30 годишната кариера со Суперхикс | Петар Младеновски | Sitel Podcast 038
-
Се урна хеликоптерот во кој патуваше претседателот на Иран
-
Велешанец собирал печурки, во коленото му влегол проектил од огнено оружје
-
Пронајдени мигранти од Ирак и Турција
-
Возач и сопатничка повредени во сообраќајка на експресниот пат Штип-Радовиш
-
Мицотакис ја повикува Силјановска Давкова да избегне „слични незаконски и провокативни“ постапки
-
Стабилна состојба на работникот, кој се здоби со тешки повреди во лифт во штипски угостителски објект