Во поплавите во северен Пакистан загинаа 43 лица

Во поплавите предизвикани од монсунските дождови во Пакистан загинаа 43 лица, соопштија локалните власти.

Поголемиот дел од жртвите се од село на границата со Авганистан. Дождовите, кои започна вчера, најмногу ја погодија  Северната гранична провинција, како што се случи и минатата година. Научниците ги припишуваат поплавите на климатските промени.

Во селото Урсун, во областа Шитрал, од стихијата беа уништени една џамија и десетици куќи, како и армиска касарна. Вкупно 41 лице ги загубија животите, од кои осумина војници. Шест од жртвите биле однесени од надојдените води, додека се молеле во џамијата.

Во тек е спасувачка операција предводена од армијата, која користи хеликоптери за спасување на луѓето заробени од вода.

Двајца кинески инженери загинаа и петмина пакистански работници се повредени при уривањето на ѕидот на браната Тарбела поради поројните дождови, соопшти портпарол на спасувачката служба во покраината.

Во април, од дождови и поплави во Пакистан загинаа 127 лица.