Во Полска за еден ден од Ковид-19 починаа 445 лица, најмногу досега
Во последните 24 часа во Полска е забележан рекорден број на смртни случаи од Ковид-19, 445, а бројот на новозаразени е 27.086, соопшти Министерството за здравство.
Од почетокот на пандемијата досега починале вкупно 7.287 лица од 38 милиони жители, а вкупно се заразиле 493.765 луѓе.
Од утре во земјата стапуваат во сила нови построги мерки.
Основните училишта преминуваат на онлајн настава, продавниците во трговските центри се затвораат, исто и културните институции како што се театри и кина, во работните денови децата на возраст под 16 години нема да можат да бидат надвор од 8 до 16 часот без да бидат придружени од возрасни.
Премиерот Матеуш Моравјецки, исто така, упати апел до стотици илјади Полјаци, кои од 22 октомври секој ден излегуваат на улиците во повеќе градови во Полска во знак на протест против одлуката на Уставниот суд за речиси целосно забрана на абортуси, да ги префрлат своите протести на Интернет затоа што масовни демонстрации во време на пандемија се закана за зголемување на бројот на заразени лица.
– Ако епидемијата надмина 70 до 75 случаи на заразени на 100.000 жители, ќе мора да воведеме национален карантин – многу строги забрани за движење и сите забрани што ќе ни овозможат да го реализираме сценариото што ни е најпотребно, предупреди во средата премиерот Моравјецки.
Ново на Сител
-
Агенцијата на ОН за помош на Палестинците УНРВА одби да се евакуира од Рафа
-
Тешко повреден 74 годишен велосипедист во сообраќајна несреќа во Охрид
-
Значаен пад на цените на нафтата минатата недела
-
Триесет и три години од загинувањето на Сашко Гешовски од Кавадарци, прва жртва при распадот на Југославија
-
Утре посебен режим на сообраќај во Скопје поради Денот на полицијата
-
Еден потешко повреден во експлозија во зграда во Турција
-
Галески: Сигурно е само дека Македонија ќе биде повторно твоја
-
Скопјанец и двајца штипјани нападнати во угостителски објект во Кавадарци