Во подметнатиот пожар во Јапонија загинаа 33 лица
Бројот на жртви во пожарот во зградата на студиото за анимација „Кјото енимејшн“ во западниот јапонски град Кјото нарасна на 33 лица и се верува дека веќе нема исчезнати лица, соопштија властите.
Претставникот на пожарникарската служба на Кјото, Казухиро Хајаџи, изјави дека 36 лица се повредени, од кои 10 се наоѓаат во критична здравствена состојба.
Според Хајаџи, пожарникарите на последниот трети кат од зградата пронашле најголем дел од жртвите, вклучувајќи ги и оние кои се онесвестиле на скалите што водат кон покривот. Две тела биле пронајдени на првиот кат, 11 на вториот и 20 на третиот, пренесоа американските медиуми.
Според јапонските медиуми, осомничениот најверојатно пожарот го подметнал на главниот влез, присилувајќи ги луѓето да се обидат да пронајдат други излези, што го забавило нивното бегство од зградата.
Ова е најсмртоносниот ваков случај во Јапонија од пожарот во 2001 година во кој загинаа 44 лица, во еден забавен парк во Токио
Осомничениот за подметнување на пожарот, исто така, е повреден и се наоѓа во болница.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка